Професија : Работа за чие извршување се потребни културни, научни и технички знаења.Се врши континуирано,најчесто со цел-профит.Професионален: Е субјект

кој врши одредена професија бидејќи ги познава техничкитге правила на истата и знае да ја постави во практика.

Професионален Бариста:Е тој што врши работа за која се потребни културни и технички знаења од областа на угостителството.Тој е фундаментален елемент во секој бар.

Како и секоја дефиниција и дефиницијата за професионален бариста во малкуте зборови кои ја изразуваат,содржи голем број значења.
За секој што работи позади шанк,основна карактеристика е професионалноста. Може ли да се замисли еден професионален готвач без адекватна школа и искуство? Или пак архитект кој ја врши својата работа без претходно да дипломирал?

Или пак економист кој анализира комплексни макроекономиски податоци без соодветни познавања? Што тогаш ве наведува да мислите дека да се работи позади шанк и да сте способни истиот да го поставите правилно да функционира е нешто полесно? Фактот дека подготовката на едно еспресо или пак мохито изледа поедноставна? Да,да се направи лошо е многу лесно! Без вистински познавања и искуство баристот ќе погреши и во подготовката на еспресото и било кој друг проивод.

Влегувам во еден бар,седнувам на шанк,за да можам подобро да го видам начинот на кој баристот ги подготвува и ги служи пијалоците.Нарачувам едно еспресо. Баристот го повлекува последниот дим од цигарата,и ја гаси во пепелникот  на шанкот. Ја зема рачката од кафематот,и 2 -3 пати ја удира од зидот на корпата за отпадоци,предмет познат по својата чистота и отсутност на бактерии.

Не водејќи сметка за останатото кафе во рачката става нова доза и без да си ја умори премногу раката нежно ја притиска дозата кафе со тамперот. Ја става рачката на кафематот не погледнувајќи ги остатотоците од кафе на нејзините рабови.Од лавабото зема ладна, само што измиена шолја и   конечно го пушта еспресото.Од страните на групата протекува матна нечиста вода,последица од недоволното затварање на групата.По 15 секунди мојата шолја еспресо е полна до самиот врв. Полека ја става шолјата на шанкот и ја повикува келнерката која мирно си чита некое трачарско списание. На повикот незадоволно станува и ми го сервира  еспресото. Среќа што не нарачав капучино или макијато!!!

Се грижам за мојот желудник и генерално за моето здравје...И на самата помисла да пијам млеко кое е матено со туба за пареа прекриена со закоравено старо млеко и бактерии, вклучително и салмонелата, преферирам нешто друго.

Додека го вкусувам кафето забележувам дамка на шолјата,но зажелена за кофеин,го испивам целото кафе. Кафето,кое од почит нема да гонаречам еспресо,е горко, иако го засладив, кремот е бел, телото и густината воопшто не постојат, има арома на изгорена гума.Откако го испив ме пече грлото и ми се собира јазикот. Пијам голема чаша вода,со надеж дека ќе го измијам вкусот од устата. Ја плаќам сметката и си одам,во еден друг локал имам состанок со еден пријател.

Влегувам,барот е полн.Седнувам до мојот другар кој ме чека на шанкот. Баристот не поздравува со едно топло “Здраво...Повелете!“ Со надеж да се напијам добро кафе,кое ќе го избрише претходното искуство,одговарам “За мене кратко еспресо,за мојот другар макијато.“Баристот почнува да ги подготвува нарачаните кафиња.Ја зема рачката и го отстранува старото кафе во садот специјално наменет за оваа работа,со салфетка ги чисти остатоците,ги става дозите кафе од мелницата,го израмнува и силно го притиска кафето.Го уклучува кафематот за да истече матната и нечиста вода од тушевите неколку секунди. Потоа го исклучува,ја мести рачката, го вклучува кафематот и зема 2 топли и чисти шолји и ги позиционира под испустите на рачката,на тој начин што кафето ќе се слева по зидовите на шолјата.

Забележувам дека кафето истекува како “опашка од глушец“,течењето е правилно и по околу 25 секунди,баристот го исклучува кафематот. Тубата за пареа изгледа чиста,но тој повторно ја поминува со чиста виледа,ја испушта кондензираната вода и потоа го мати млекото. Шолјата е топла,но не врела, еспресото има одлична арома, компактна крема со лешник боја.Изгледот е баш поканувачки. Овој пат го пијам еспресото без шеќер.Има силен вкус и арома,но за разлика од претходното,грлото не ме гори,а јазикот не ми станува парче стаклена волна.

Задоволна сум од одличниот ретровкус кој го чувствувам! Забележувам  задоволен израз и на лицето на мојот пријател,сигурно и неговото макијато било одлично. Шанкот е среден,подот е чист,кафематот во одлична состојба,чашите се чисти и блескаат, шишињата без прашина, корпата за отпадоци е далеку од зоната во која се подготвуваат пијалоците.
Пријатно изненадена од квалитетот на еспресото и од пријатната и неформална атмосфера околу мене, ја плаќам сметката и оставам бакшиш. Кафињата во двата локали имаа иста цена.

Вие во кој од овие два локали би го пиеле вашето утринско кафе?
Добро,"de gustibus non est disputandum"(За вкусовите не се дискутира),вели една античка латинска изрека,но сигурна сум дека било кој со малку здрав смисол,би го избрал вториот,барем од една основана причина, професионалноста на баристот заслужен да го носи ова име, кој ни подготви одлично еспресо!

Професионалност добиена од интересот кон работата која ја работи, независно дали е таа минлива или пак е неговата животна професија. Професионлност здобиена од најразличните курсеви и обуки кои ги посетил. Професионалност надградена од своето и туѓото искуство. И за крај професионалност наложена од самиот сопственик на локалот,како основа ,сила и мотив за диференцирање на самиот локал.