1. Златно правило за подготовка на одлично италијанско еспресо е:а. 25мл кафе кои ке истечат за 25 секунди; б. 30мл кафе кои ке истечат за 30 секунди; в. 15мл кафе кои ке истечат за 15 секунди

2. За да може да се оцени еспресото како добро,тоа теба да има:
а. Компактен крем со лешник боја,цветна арома со ноти на овошје,чоколадо.Вкусот треба да биде мек,киселите и горчливите ноти балансирани.
б. Темен и цврст крем.Чоколадна арома.Многу цврст и горллив вкус.
в. Тенок крем со светла кремаста боја.Едноставна арома на печено кафе и малку чоколадни ноти.

3.Во локалот шолјите за еспресо треба да бидат поставени:
а. Никогаш на кафематот,еспресото се пие во ладна шолја.
б. Врз кафематот превртени надолу, никогаш повеќе од две шолји една врз друга.
в. Врз кафематот исправени,никогаш повеќе од две една врз друга.На овој начин врвот на шолјите не го допира металот од кафематот,клиентот не ризикува да си ја изгори устата и самата температурата се распоредува рамномерно, а шолјите секогаш имаат оптимална температура.

4.За да се подготви еспресото,дозата на меленото кафе:
а. Треба да биде поголема од 7 грама,за да се добие еспресо со темен крем со цврсто тело и горчлив вкус.
б. Треба да биде меѓу 7 и 7,5 грама.Изгледот на еспресото со оваа доза ке биде: компактен крем со лешник боја со висина од 2 до 3мм,цветни и чоколадни ароми.
в. Треба да биде под 7 грама,за да можеме да добиеме поголем број на кафиња од едно кило кафе.Кремот ќе биде светол,без густина,без осетливи ароми,

5.Во текот на подготовката на еспресото,дозата мелено кафе треба да притисне со тамперот:
а. Најсилно што можеме
б. Нежно
в. Притисокот треба да биде со сила на околу 18 кг,и на униформен начин.

6.Штелувањето на степенот на мелење:
а. Мелницата и степенот на мелење се штелуваат на денот на монтирање на кафематот од страна на монтажерите и тоа останува така
б. Треба да се контролира периодично,бидејќи меленото кафе варира во зависност од влажноста на воздухот.Секој бармен,кога ќе забележи промена во течењето на кафето и откако ќе утврди дека сите други параметри се точни,ќе се погрижи да го регулиура степенот на мелење за да добие повторно коректна екстракција на еспресото.
в. Степен на мелење?- Јас го стискам копчето од кафематот и кафето си тече

7.Движењата кои се прават за да се подготви одлично еспресо се:
а. Се отстранува рачката од кафематот,комплетно се чисти филтерот од старото кафе кое е во него додека не остане ниту трошка кафе,се зема дозата мелено кафе од мелницата,се израмнува дозата,се притиска рамномерно и со сила од 18кг,се отстранува кафето од работ на рачката,се вклучува кафематот околу 2 секунди за да истече нечистата вода,се мести рачката,се вклучува кафематот,се зема шолјата и се мести под испустот.
б. Се отстранува рачката од кафематот,комплетно се чисти филтерот од старото кафе кое е во него додека не остане ниту трошка кафе,се зема дозата мелено кафе од мелницата,се израмнува дозата,се притиска рамномерно и со сила од 18кг,се отстранува кафето од работ на рачката,се мести рачката,се зема шолјата и се мести под испустот и конечно се вклучува кафематот.
в. Се отстранува рачката од кафематот,старото кафе се фрла,се зема дозата мелено кафе,се притиска,се става рачката на кафематот,се местат чашите расфрлани оклу кафематот,се поздравува симпатичната девојка која поминува покрај вашиот шанк.Леле,заборавив!Ми нарачаа едно еспресо!!!

8.Оптималните параметри кои треба да ги има секој кафемат за да може да се подготви одлично еспресо се:
а. Притисок во бојлер од 0,9 до 1,1 бар;Температура на водата од 88 до 92 Степени.Притисок на пумпата при естракција на кафето од 8 до 10 бар (оптимално 9)
б. Притисок во бојлер од 8 до 10 бар;Температура на водата од 88 до 92 Степени.Притисок на пумпата при естракција на кафето од 0.9 до 1,1 бар (оптимално 9)
в. Не е обврска на баристот да се грижи за состојбата на кафематот

9.Количината на кафе за подготовка на макијато,макијато големо или капучино е:
а. Истата како и за еспресо! 25мл за 25 секунди.На овој начин се има одлична комбинација на вкусовите.Меко и кремасто.
б. Е различна!Во малото макијато се става помалку кафе затоа што шолјата е мала,додека големата шолја се полни скоро до половина.
в.Секогаш треба да има повеќе кафе отколку млеко

10.Матеното млеко треба да биде:
а. Високомаслено и со голем процент на белковини.Треба да се мати во моментот на подготовка на макијато или капучино,и да не биде потопло од 65 степени.Кремот треба да боде компактен и сјаен,без воздуишни балони.
б. Треба да зоврие.Воздушните балони на површината се знак дека млекото е добро изматено.За наредното матење се додаваат 2 коцки мраз.
в. Треба да биде млако со малку пена.

Од 7 до 10 точни одговори:
Специјалист за италијанско еспресо:
За тебе не постои грешка во еспресото.Љубител си на доборото кафе и знаеш истото да им го подготвиш на твоите клиенти.Свесен си за твоето влијание врз подготовката на еспресото.Би можел да разликуваш добро од лошо подготвено кафе со затворени очи.Браво!!!Професионален Барист!!!

Од 4 до 6 точни одговори:
Добро го познаваш еспресото и знаеш да го разликуваш доброто од лошо подготвеното,но сеуште ти недостасуваат одредени финеси.Со понатамошно вежбање и посета на тренинзи за подготовка на еспресото,ќе го подигнеш твоето ниво од ниво на познавач до ниво на професионалец.

Од 0 до 3 точни одговори:
Кафе?Еспресо?Ако работиш во позади некој шанк или е твојот прв работен ден- треба сериозно да помислиш да ја смениш професијата!Еспресо кафето за тебе е непријател и ти се бориш со сите свои сили против него.Ќе ти врати со истата мерка.Твоето еспресо ќе биде горко,со вкус на талог и изгорена гума.Полошо нема!

Точни одговори:
1)  а
2)  а
3)  в
4)  б
5)  в
6)  б
7)  а
8)  а
9)  а
10)а