Тоа е последица од лошо организараната работа како и од недостаток на аксесоари со кои ќе се олесни и помогне работата,а истовремено ќе се подобри и квалитетот.Најчесто трошокот за нивно купување е причина поради која не се доволно  застапени.Сепак тие не се опционални,тие се неопходни.Секој сопственик кој својот локал го создал со концепт за место каде што ќе има професионална услуга,знае дека инвестицијата во барска опрема ќе го помогне неговиот профит во иднина.

 

Во подготовката на добро еспресо,како што е веќе добро познато,најважните фактори се квалитетот на кафето,кафематот,мелницата и знаењето на баристот.Но за квалитето да биде константен и баристот да може полесно,поорганизирани и попрофесионално да ја врши својата работа,секој локал треба да ги има следниве аксесоари.

Тампер-еден од најважните процеси во подготовка на еспресото,е правилното израмнување и притискање на кафето во филтерот(ситото).Притисокот треба да биде рамномерен и со сила од 18 кг.Затоа е од големо значење каков тампер ке се користи во локалот.Кај нас во Македонија најчесто се користи тамперот вграден во самата мелница,додека во Италија,тој е надвор од употреба веќе подолго време,затоа што не овозможува целосна контрола на баристот врз притисокот на кафето,незгоден е за работа и најчесто е направен од тенка пластика,при што притисокот со сила од 18 кг е практично невозможен.

 

Најдобро е во секој локал да се има посебен тампер направен од инокс или пак од дебела пластика.Тој треба да биде квалитетен и издржлив.Работејќи со професионални тампери баристот ќе може со помал напор правилно да го притисне кафето во филтерот а со тоа да има и константен квалитет низ времето.

Еден од најквалитетните тампери е динамометричкиот тампер.Тој во внатрешноста има посебен федер,кој овозможува константен и еднаков притисок,без разлика на фатот и силата на тој што го припрема кафето.

 

Сад за остатоци од кафе-сад најчесто изработен од алуминиум кој по должината на отворот има гумена цевка,во која се удира рачката за да целосно да се отстранат остатоците од кафе.Може да се постави во вид на вградена фиока под кафематот или пак ако нема простор до самиот кафемат.Со негова употреба се овозможува целосно остранување на на остатоците од кафето и организирана работа бидејќи неговата положба е во близина на кафематот.

Н.Б. Корпата за отпадоци не треба апсолутно да се користи како место за празнење на кафето:таа е извор на бактерии и при допирот на рачката со корпата бактериите се лепат на самата рачка.Исто така не е возможно целосно отстранување на остатоците.

 

Четкички- За да се има константен квалитет на еспресото,баристот треба секогаш при рака да има 2 типа на четкички.Една со меки влакна,за повремено чистење на садот во кој стои меленото кафе и една со пластични или алуминиумски влакна за чистење на каналите на главите и тушевите.Правилното чистење на тушевите е од голема важност за отстранување на талогот на кафе и правилен проток на водата.Чистењето на каналите на главите од кафематот е процес со кој се отстрануваат остатоците од кафе кои доколку не се исчистат правилно,ги запекуваат семеринзите,кои подоцна ќе му дадат мирис на изгорена гума на вашето еспресо.

 

Слеп Филтер (сито)- Слепиот филтер има ист облик како ситото кое стои во рачката,со разликата што кај слепиот филтер се отсутни дупчињата низ кои протекува водата.Неговата секојдневана употреба е од огромно значење.За негова употреба доволно е да го ставите  на местото на обичното сито,да го уклучувате и исклучувате кафематот неколку пати во интервали од 5 до 10 секунди.Со негова употреба се чистат од остатоци од кафе сите канали кои се вградени во главата.Еднаш неделно  се препорачува во слепиот филтер да се стави доза од специјален детергент за чистење глави,и да се направи истата постапка се додека водата не биде перфектно чиста.

 

Лонче за матење млеко- Макијато и капучино се вид кафиња кои се подготвуваат со изматена КРЕМА од млеко,а не ПЕНА.Разликата е што кремата е компактна,сјајна,додека пената е полна со воздушни меури.За да се измати компактна и сјајна крема,основен елемент е професионално лонче.Во повеќето локали во Македонија се користи ѓезве за турско кафе,што е фатална грешка.Професионалното лонче изработено од инокс и со двојни сидови,овозможува правилна распределба на топлината,што значи повеќе време да направите крема,без да преврие млекото.За баристите кои пак сакаат да се усовршат во техниката ЛАТТЕ АРТ,односно цртање со кремата од млекото,професионалното лонче е неизбежна алатка.

 

Виледа-Цевката за пареа со чија помош се мати кремата од млекото треба секогаш да би целосно чиста.Доколку се занемари овој детал,после неколку матења на млекото ке имаме цевка за пареа полна со закоравено млеко,која на новото млеко кое ќе се мати ќе му даде кисел вкус.Доколку не се исчисти во текот на целиот ден,најверојатно во вечерните часови,таа ќе биде полна со бактерии од типот Салмонела.Затоа наједноставен начин да се избегнат горенаведените работи,е секој барист да постави под цевката една влажна виледа која ќе ја користи единствено за бришење на цевката по секое матење.На овој начин цевката ќе биде секогаш чиста и ќе се одржува хиегиената во подготовката на кафето.