Почетна | Изданија | Barcode Br.12

Barcode Br.12

Големина на фонт: Decrease font Enlarge font
image

Овој 12 број на Бар Код е издание за оние кои сакаат да станат или да бидат подобри бармени односно шанкери. Ако во минатиот број темата која доминираше беше гастрономијата, овој број нуди најмногу совети, примери и информации околу професијата бармен.

Изминатите неколку месеци, по правило се најтешки за угостителството. Гостите, истрошени од претходните празници и истоштени од прележаните вируси, многу поретко се одлучуваат за посета на угостителските објекти. Ова доведува до пад на работата кај угостителите, создавајќи нервоза и проблеми со финансиите.

Сите чекаат ваквиот период што побрзо да заврши. Затоа, на првиот знак на пролетта, исто како и во природата, се разбудува и кафеанскиот живот по улиците. Освен убавото време кое носи подобро расположение, за тоа придонесуваат и летните тераси кои почнуваат да функционираат уште од половината на март, иако законот не кажува така.

Но дали е се така пролетно оваа сезона? Во разговори со неколкумина угостители и добавувачи на алкохолни пијалоци заклучив дека можеби оваа пролет ќе биде малку поразлична од другите. Неколку фактори влијаат на ова. Пред се, голем број нови објекти кои се трудат да го завземат местото на веќе постоечките.

Пазарот ќе покаже дали во Македонија има простор за толку многу угостителски објекти. Позитивното во оваа ситуација е тоа што, според пазарната логика, квантитетот неминовно ќе мора да донесе и нов квалитет. Затоа, се надеваме на повеќе убави амбиенти, квалитетна услуга и иновативни начини да се задржат гостите. Друга разлика од изминатите години е повторното појавување на алкохолни пијалоци на црниот пазар.

И претходно сум коментирала дека оваа ситуација не е добра за никого. Гостите во угостителските објекти нема да бидат сигурни што пијат, увзониците на алкохол ќе губат од профитот, а и државата ќе изгуби многу од својот буџет на име на неплатените акцизи. За крај, на овие лоши прогнози, неминовно треба да се спомене и рецесијата. Не толку дека нас не зафати вистинска рецесија, бидејќи, да бидеме реални, во рецесија живееме еве веќе близу дваесетина години, но се работи за тоа дека, предизвикано од песимистичките вести од медиумите, меќу луќето се создава лошо општо расположение. А тоа никогаш не било добро за угостителството.


За да не биде се лошо оваа пролет, ги поздравуваме неколкуте позитивни промени сезонава, највеќе од се долгоочекуваниот бум на коктел културата кои со години не заобиколуваше. Понатаму, најавата за второто државно првенство за барментсво и појавата на се поголем број обучени бармени најавите за уште посредени плажи околу Охрдискиот брег, како и оформувањето на ликот на скопското Дебар Маало како место за урбан и културен ноќен живот каков што има секој град во светот. Премногу ќе биде да кажеме, скопскиот Монтмартре? Рано е...

 

Додади во: Add to Facebook Facebook | Add to Twitter Twitter Digg this story Digg | Post to Myspace Myspace | Add to Yahoo MyWeb Yahoo MyWeb |

Коментари (0 Пратено):

Прати го коментарот comment

Внесето го кодот од сликата: