Barcode Br.40

Џинглбел периодот повторно започнува. Одново и одново, еве веќе седма година имам потреба да ги инспирирам угостителите да бидат покреативни во своите понуди кон гостите,

а на гостите да им порачам достоинствено и искрено да ужваат во периодот кој доаѓа. Дали ќе се случи тоа, ќе резимираме во јануари. До тогаш че ја резимираме годината која измина низ призмата на погледот од шанковите, кујните и коњопоите. Ако мене ме прашате, ова беше година која, ама по ништо не беше впечатлива за македонското угостителство.

За разлика од песимистите и оптимистите кои чашата ја гледаат како полупразна или полуполна, ние во редакцијата на Бар Код, оваа чаша со ознака 2013 ја гледаме само како две половини. Затоа не ни преостанува ништо друго освен да се надеваме дека онаа следната че ни донесе повече радост и задоволство.

Темата на овој број некако спонтано се сврте околу нашиот однос кон храната. Психологија на храна, носталгија за храна, храна на мост, храна во астрологијата, празнична храна, здрава храна, необична храна и се разбира храна со вино. И повторно, како и до сега, иако гледано од многу различни аспекти, секој соработник на Бар Код поединечно, се хармонизираше околу единствениот заклучок дека храната е навистина премногу важен елемент на нашите жвоти и затоа треба да се внимава таа да биде асоцирана со убави чувства и расположенија.

Такви сме ние во Бар Код, непоправливи идеалисти и бранители на ужвањето. Нека не ве залажат нашите иронични и на моменти саркастични осврти на секојдневието, тоа е само обид на наш начин да вметнеме хумор во нашето гледање на работите. Во основата, секој од нас има потреба да ви ги покаже начините како да стигнете до повисоки нивоа на уживање. Затоа во овој број, од срце ви ја честитаме новата година и претстојните празници, со најубави желби да бидете здрави, весели и сакани и што повече да обраќате внимание на храната која ве прави среќни.

А како и секоја година, нашата новогодишна порака ја завршуваме со апелот да бидете умерени одговорни во конзумирањето на алкохолот.