Астроугоститологија

Пишува: Владимир К. Франц

Во оваа нова рубрика на списанието Бар Код, во неколку продолженија ќе се занимаваме со поврзаноста на небесните тела со угостителството. За таа цел, без премногу нејасни филозофии ќе се прошетаме низ доменот на угостителската метафизика и целиот контекст ќе го обоиме со малку позабавен пристап и со полежерна конотација.

Факт е дека оваа тема може вистински и сериозно да се елаборира и сите заинтересирани сегашни и идни угостители ќе сфатат дека можат да консултираат и професионалци од оваа област и на тој начин да избегнат многу непосакувани кривини во нивниот бизнис. Но, како што е редот ќе дадеме едно мало интро за да почнеме од почеток.

Несомнено е дека уште од дамнешни времиња, астрологијата, како симбиоза на наука и уметност, имала значајна улога во секојдневните животни активности. Покрај насочувањето во самоспознание и духовен раст, астролозите биле консултирани за сите важни државни страте ÑˆÐºÐ¸ одлуки. Не можете да го замислите кралот Артур без Мерлин нели? Толкувачите на хороскопот биле исто така потпора и на обичните луѓе и важен фактор во решавањето на нивните животни одлуки. Во стара Кина на пример, пред да се стапи во брак морало да се има одобрение  од астролог, па ако поминете со позитивна оценка кај него, властите ве праќале кај фенг шуи мајсторот за да ви го уреди вашиот дом. Тоа на прв поглед изгледа малку без врска, сигурно си велите па кој е тој мене да ми кажува јас со кого да се женам или мажам. Но размислете за тоа колку бракови се успешни а колку не во нашето, таканаречено, современо општество. Во Кина и Јапонија исто така, и ден денес сите најголеми корпорации се изградени и создадени во точо определено време и на точно одредена локација, се со цел компанијата да има соодветен хороскоп. Па ако можат Панасоник и Сони зошто да не можеме и ние.

Значи да резимираме. се има свој хороскоп- луѓето, животните, државите, фирмите па и угостителските објекти.

Во ова прво наше дружење ќе ги објасниме сите поопшти карактеристики на хороскопските знаци и нивните хедонистички афинитети во кафеани  и кафулиња. Кои се нивните омилени бои, вкусови и звуци.  Во каков тип на локали тие најдобро се чуствуваат и начинот на кој што тие се однесуваат во нив.

Овен
Овенот е огнен знак, карактеристична боја за него е црвената.
Тој сака се што е моќно, брзо, современо и возбудливо. Секогаш е подготвен за авантура и за него адекватни места за дружење се локали  каде што се среќаваат многу луѓе, каде што има голема бучава и каде лесно може  сам да отиде и таму да си ја најде својата банда за забава. Клубовите се идеални за него. Тој сака лути и остри вкусови , и се што е зачинето. Преферира погласна и агресивна музика помешана со добар жесток алкохол.

Бик
Бикот е земјен знак, карактеристична боја за него е розевата, бледо сината и зелената. Тој е под владение на Венера и претставува еден од најголемите уживатели во целиот хороскоп. Можете да го споредите со дизел машина наспроти овенот кој во оваа компарација би бил високотуражна брза машина. Како бавно и лезетско битие тој претпочита да си седне на комотен стол и ако може да не мрдне цела вечер. Важно е келнерот постојано да носи  од се што е најубаво во менито за тој да биде задоволен. Биковите имаат голем афинитет према уметноста така да пресудно е музиката да е квалитетна а амбиентот погоден.

Близнаци
Близнаците се воздушен знак и се под владение на Меркур.Нивната боја е жолтата. Тие се многу адаптибилни и се снаоѓаат секаде. За нив е важно, нивниот нервен систем да е стимулиран до максимум. Важно е да се зборува и тешко е да ги прекинете. Од друга страна со нив никогаш не ви е досадно. Тие можат се и секаде, но најважно им е да имаат интелектуален предизвик. Алергични се на патетика и не барајте од нив да паѓаат во транс на некоја љубовна песна.

Рак
Ракот е воден знак, бојата е сребрено сина. Припадниците на овој знак се нежни и емотивни суштества. Иако тие повеќе би седеле дома, кога веќе излегуваат препочитаат доманќинско менстенце каде што би можеле да ги споделат нивните емоции со вас. Мераклии на пиење, тие ќе си бараат место каде што ќе можат и да си запеат песна. Бескрајно духовити тие се секогаш  добродојдени на ѓезме.

Лав
Лавот е огнен знак. Сите нијанси на сонцето се боите на овој знак. Неговата театралност ке ја забележите и од соседната маса. Тој е  секогаш во центарот на вниманието и гламурот е неговата страст. Бескрајно дарежлив,  со неговата голема желба да се истакне тој најверојатно ќе нарача цело шише алкохол на масата и ќе му остави најголем бакшиш на келнерот. Ќе ве забавува цела ноќ со прераскажување на случките од неговиот живот и кога ќе се опие ќе ве избомбардира со љубов зошто тој ја поседува во неограничени количини.

Девица
Девицата е земјен знак. Вечниот трагач по совршенство. Темно кафената  и зелената се боите на девицата. Тие се големи критичари и се мајстори во изнаоѓање недостатоци. Според тоа се тешки гости за задоволување. Каде и да се тие ќе најдат фалинка и тоа ќе биде главната тема на разговор- отисоци на чашата од вино, бавноста на келнерот, гласноста на музиката се некои од темите кои тие ќе ги зачнат. Од друга страна тие ќе  го разубават локалот со нивната софистицирана појава и елегантна гардероба.

Терезија

Терезијата е воздушен знак. Владее со бледо сината боја и со светлите нијанси на синото. Терезииите се елегантни шармери со високи естетски аспирации и не знаат за крај кога е хедонизмот во прашање. Секогаш расположени да се дружат, тие се чести посетители на угостителски објекти. Најчесто ќе ги видите со партнер во некоја идилична ситуација или ако се сами ќе бидат со повеќе личности од спротивниот пол кои не можат да им одолеат на шармот. Некој лаунџ бар за нив е идеален за сите нивни сетила да се задоволени.

Скорпија

Воден знак, темно кафена боја. Тие се големи гурмани и месождери, А најдобри се во кујна како  виртуозни готвачи. Претпочитаат скриени места каде што ќе можат да влезат длабоко во нивните омилени теми. Кај нив се ретки површни муабети. Смирени ресторанчиња се идеални за нивниот мистичен пристап. Со црвено вино и добар бифтек можеби ќе успеете да ги задоволите нивните големи потреби.

Стрелец

Стрелецот е огнен знак. Темно сината боја како и пурпурната се нивна одлика. Најчесто ќе ги најдете како филозофираат потпрени на шанк или во некое казино со очите полни со страст. Секогаш екстравагантни во нивната појава тие лесно се издвојуваат од околината. Луксузот не е примордијален, важна е идејата и квалитетот на дружбата.

Јарец

Јарецот е земјен знак И е највредниот од сите хорокоспски знаци. Црната и темно кафената се нивните бои. Тие не престануваат со работа така што сигурно ќе ги начекате во некој елитен локал со нивните бизнис партнери. Тие едноставно работат и кога не работат. Го сакаат елитизмот и секогаш настојуваат да бидат ВИП. Со тоа го потврдуваат нивниот општествен статус. А кога имаат намера да се забавуваат и во тоа се најпрофи.

Водолија

Водолијата е воздушен знак обоен од тиркизна боја. Тие  секогаш имаат за цел да шокираат и не очекувајте од нив дека вечерта ќе помине со нормален тек. Тие се футуристи и лесно ќе ги најдете на журка со електронска музика. Сакаат да бидат помеѓу многу луѓе и тогаш се најсреќни. Некоја комбинација од алкохол и енергетски напиток за нив е вообичаена. Ако не сте доволно брзи не тргајте воопшто со водолија во авантура.

Риби

Рибите се воден знак. Нивната боја е меката морска зелена. Тие најтешко се дефинираат и најтешко ќе ги забележите. Секогаш скриени со превезот на мистерија, тие претпочитаат мали тајни места каде што ќе можат да ги чуствуваат вибрациите од убавата музика. Склони се да се опијат но дури и да претераат тоа кај нив нема многу  да се забележи .