КОНЦЕПТ БАРОВИ

Стилот на излегување е избор на начин на живот. Изборот дали ќе седите пред кооперација и ќе пиете sидарско пиво со маалските,

 ÑœÐµ sенsате на Дарио или не дај боже турбо фолк во локално кафуле, немо ќе цугате џин-тоник на некој коњопој реда ради, или ќе пречекувате зори во дискотеки е одраз на вашиот урбан профил и избор како сте решиле да живеете.

Постои една глобална тенденција оние конвенционални барови кои се наметнуваат со својот едноставен концепт на седење, пиење, мезење и слушање на најнови хитови да прераснат во пософистицирани урбани собиралишта кои би понудиле разновидни содржини соодветни на современите културни текови. Кога би се обиделе на едно исто место да понудите  дизајн, уметност, гастрономија, музика, сцена, идеја, уникатност, креативност и пред се оригинална визија-зборуваме за концепт бар.

Првата асоцијација за тоа што е концепт бар е дека всушност станува збор за мултимедијални центри каде што на едно место можат да се најдат повеќе квалитетни содржини. Но ако подобро се разгледа глобалното искуство, концепт барот е место засновано на уникатна идеја. Експертите за угостителство велат дека доколку сакате да имате сопствен концепт бар доволно е да знаете во што сте добри, кои се тие уникатни услуги кои на вашиот бар би му наметнале концепт кој би го разликувал од конвенционалните места за забава. Дали е тоа уникатноста на менито, локацијата која нуди специфична панорама, содржини кои секојдневно се менуваат (концерти, изложби, промоции), дизајн на самиот простор или комбинација од сите овие.

На нашето поднебје се ретко застапени. Има неколку кои имаат по некоја уникатна карактеристика да влезат во оваа категорија (Дамар, Концепт 37, Магор, МКЦ).
За мене најимпресивниот концепт бар (ако воопшто може да се нарече бар бидејќи станува збор за огромен мултимедијален центар) е Georges Pompidou центарот во Париз. Во овој центар се сместени еден од најпознатите музеи на модерна уметност, јавната библиотека, книжара и центарот за музички и акустични истражувања. Центарот пред се шокира со својот архитектонски изглед, функционалните елементи како на пример скалите и водоводните цевки се на надворешниот дел од зградата означени со различни бои. Замислете простор каде на едно место може да посетите изложба на Матис, Кандински, Миро или Пикасо и да присуствувате на модерни музички перформанси.

За разлика од овој центар кој е своевидна културна  авангарда ќе ви прикажеме уште неколку познати концепт барови:

Supermarket Concept Store-Белград

На повеќето од вас ви е познат “Супермаркет” како една од најдобрите концепт локации во регионов. Вклучува продавница, ресторан, мал спа центар, уметничка галерија и салон за тетовирање. Она што навистина плени во овој концепт бар е пријатната атмосфера и спонтаното испреплетување на сите овие содржини.

Rock Bar-Бали

Барот е сместен на карпа, 14 метри над Индискиот океан. Едно од најегзотичните места во Бали и прогласен за еден од најдобрите барови во светот. Концептуалноста која го двои е минималистичкиот дизајн лоциран на карпа од каде што не се гледа ништо друго освен бескрајниот морски хоризонт. Пијалаците кои се служат се претежно коктели зачинети со локални овошја и вкусови.

Ice Bar-Стокхолм

Концептот на овој бар е температура од -5 степени Целзиусови. Студен ентериер изработен од водите на реката Торн, вклучувајќи ги и чашите од кои се пие. Разнообразно мени прилагодено на амбиентот и ниската температура.

Red Sea Bar-Израел

Сместен под водите на Црвеното Море, овој ресторан се наоѓа во самиот морски свет со изобилие на морска вегетација и животни. Истовремено е ресторант и опсерваторија изработен од врвни светски архитекти. Овозможува уникатно доживување на подморскиот живот.

Sky Bar-Банкок

Еден од највисоките барови во светот под отворено небо се наоѓа во Банкок, велат дека ги претвора минутите во безвременски интервали. Токму тука се снимани и најоткачените делови од филмот Мамурлак 2. Доколку случајно се најдете таму внимавајте на дрес кодот – Smart Casual, што значи забранете е спортска облека, папучи, апостолки, бермуди, рамбовки. И да, овој дрес код се однесува и на вашите деца.

Alux Caverna Lounge - Мексико

Енигматската енергија на Маите може да се почувствува токму во овој ресторан. Ентериерот е природна метаморфоза на сталагмити и сталактити кои се создавале повеќе од илјадници години. Амбиентот е магичен и романтичен.