Macarons

Можеби името ќе ве збуни и ќе си помислите дека сакам да пишувам за италијанска паста. Всушност овој текст е за малите колачиња кои се нарекуваат Макарони (Macarons),

Всушност овој текст е за малите колачиња кои се нарекуваат Макарони (Macarons), а кои во последниве неколку сезони се неодминлив дел на сите престижни модни недели или гламурозни промоции. Најслично до нашата перцепција е можеби нивната дефиниција како колачиња- сендвичиња, варијанта на она што кај нас се нарекува “падобранец”. Меѓутоа и по состав и по изглед тие многу се разликуваат. Основата на тестото кај Макароните е бадем а не ореви, а исто така и филот може да варира од крем до џем.

Тие доаѓаат во разни варијанти на вкусови, традиционално се познати со вкус на јагода, кафе, чоколадо и ванила, но она што е хит последниве години а промовирано од Pierre Hermé  ÐºÐ¾Ð½ крајот на осумдесетите, се вкусовите на Ñ„’стак и мандарина. Од таму доаѓаат и разните бои по кои тие се и препознатливи. Оваа година, главен хит на Њујоршката модна недела се црните Макарони  и оние розевите со вкус на мастика за џвакање.
Се разбира на овие случувања не се служат било какви Макарони.

Тие доаѓаат директно од Франција од  францускиот производител Ladurée. Во последниве неколку години Ladurée има потпишано соработка со директорот на познатата марка Lanvin, Албер Елбаз. Тој му овозможи на Ladurée да се најде на сите светски насловни страници поврзани со мода и престиж.
Оваа година дизајнерот Рид Кракоф и Ladurée отидоа уште еден чекор понатаму- креираа црни колачиња спакувани во елегантна црна кутија, завиткани во деликатна црна хартија. Наречени “Strange Love,” тие се достапни на Њујоршката модна недела и на продажба во лимитиран број ексклузивно на 864 Madison Avenue.

Останатите модни дизајнерски куќи кои потклекнаа на овој нов моден тренд се и  Galliano, Lacroix и  Rykiel.

Макароните, како најнов тренд на сите поважни случувања се појавија и во Европа . Секој кој држи до себе, на отворањето на нова продавница, изложба или друг настан ќе нарача Макарони од Ladurée. Така, нив можете да ги видите на настаните на водата Евиан во Европа и на отварањето на неколку престижни хотели.