Тип на гости и методи на работа со истите

Работата во угостителството е една од најдинамичните и најинтересните работи. Секој ден е нова историја и нова лекција со која доколку сакаме може да научиме многу за луѓето, нивните карактери,

култура и однесување. Во моето работно искуство се имам среќавано со многу ¨Ñ‚ешки¨ гости. Но, со текот на годините како се развивав и учев сфатив дека не постојат тешки гости има само различен начини на кој треба да му пријдеш на гостинот. Најтешко е кога не сакате да го разберете ова или да го употребите вашиот мозок за да се справите со моменталната состојба и да ja завршите ситуацијата со позитива и во ваша полза.

Страмежлив гостин

Карактеристики:
• Бавен и тивок говор
• Бавни движењата и одлуки
• Не гледа директно во очи кога зборува
• Не превзема никаква иницијатива
• Не поставува дополнителни прашања
Однесување:
• Покажете интерес дека сакате да помогнете
• Јасно и во детали дајте информација
• Зборувајте полека и без никакво повишување на тонот
• Може да го заинтересирате со неформален разговор

Зборлест гостин

Карактеристики:
• Поставува детални прашања
• Ја оценува вашата компетентност во однос на тоа колку време сте потрошиле за одредено дејствие
• Знае многу добро да убедува
• Не му се допаѓа да биде сам
• Има тенденција на претерување
Однесување:
• Вие наведувајте го разговорот во одреден правец
• Бидете кратки во вашите одговори но културни
• Со овој тип на гости имате голема можност да продадете повеќе

Агресивен гостин

Карактеристики:
• Брзо губи трпение
• Има тенденција да каже што треба другите да прават
• Никаква толеранција за грешки
• Не сака да биде советуван
• Дава категорични изјави
• Зборува брзо и гласно
Однесување:
• Бидете љубезни и професионални
• Слушајте и не поставувајте многу прашања
• Во никој случај не се расправајте

Пребирлив гостин

Карактеристики:
• Многу се жалат
• Тешко можете да ги задоволите потребите

Однесување:
• Објаснувајте во детали
• Бидете внимателни, постои можност за потенцијален конфликт
• Следете што и како се случува со гостиниот
• Нагласете ја вашата желба да им помогне
• Покажете голем интерес за нивното удобство

 " Јас знам сè " гостин

Карактеристики:
• Го губат трпението доста брзо
• Брзо донесуваат одлуки
Однесување:
• Давајте минимална информација
• Одговарајте јасно на поставените прашања
• На овој тип гости е тешко да се продаде дополнително

Гостин со ограничени можности
• Услужете го овој гостин без чекање
• Третирајте го како обичен гостин со малку повеќе внимание
• Не покажувајте жалеење
 
Гостин со деца
• Најдете активност со која децата ќе бидат заангажирани
• Услужете ги прво децата (Ако тоа е ресторан)
• Поразговарајте со децата а на родителите дајте им комплимент

Размислете дали вие сте се среќавале со овие типови на гости или можеби на оваа листа сами ќе додадете уште некој тип со кој јас не сум се сретнала. Понекогаш во време на тренинзите кои ги одржувам,  некои од присутните ги додава и пијаните гости. Најпрво, треба да знаете дека тоа не е тип или категорија на гостин и дека вие сте одговорни за сите гости кои се во вашиот локал. Ако забележите дека некој од вашите гости се опијануваат имате потполно право да одбиете да им послужите алкохол. Тоа е за нивна безбедност, ваша и секако безбедност на останатите гости во вашиот ресторан или хотел.

Обично за време на тренинзите после целиот разговор следи игра на улоги каде учесниците се делат на групи и секој има своја улога (на тип на гостин, вработен, менаџер). Ова е одличен начин тимот да се запознае со типот на гости и како треба да изреагираат во одредени ситуации. Обидете се, ќе ви се допадне а воедно и ќе ви го подобри расположението за работа.

Без разлика на се, никогаш не ја изоставувате емпатијата кога работите со гости. Што е емпатија? Емпатијата  е отвореноста кон луѓето и способност да ги цениме чувствата и вредностите на другите, способноста да се поставиме на местото на друга личност. Способност да ги слушаме мислењата на друго лице и да го разбереме тоа. Секој човек има единствена перцепција на светот. Секој од нас има нешто лично, нешто што не сака да го сподели со другите, па затоа е невозможно целосно да го разбереме однесувањето на друго лице. Но, во секој од моите тренинзи повторувам дека ние во одредени ситуации мора да сме и психолози, и доктори, и другари, и сестра/брат, мајка/татко ,а и понекогаш и финансиски советници.